ഫ്ലോ​റി​ഡയിൽ മ​ത്സ​ര​യോ​ട്ടം ന​ട​ത്തി​യ കാ​ർ ബാ​റി​ലേ​ക്ക് ഇ​ടി​ച്ചു​ക​യ​റി നാ​ല് പേ​ർ മ​രി​ച്ചു; 11 പേ​ർ​ക്ക് പ​രി​ക്ക്

ഫ്ലോ​റി​ഡ : പോ​ലീ​സി​ൽ നി​ന്നും ര​ക്ഷ​പെ​ടാ​ൻ അ​മി​ത​വേ​ഗ​ത​യി​ൽ പാ​ഞ്ഞ കാ​ർ ബാ​റി​ലേ​ക്ക് ഇ​ടി​ച്ചു​ക​യ​റി നാ​ല് പേ​ർ മ​രി​ച്ചു. 11 പേ​ർ​ക്ക് പ​രി​ക്കേ​റ്റു. ഫ്ലോ​റി​ഡ​യി​ലെ ടാ​മ്പ ന​ഗ​ര​ത്തി​ൽ ശ​നി​യാ​ഴ്ച പു​ല​ർ​ച്ചെ​യാ​ണ് സം​ഭ​വം. ന​ഗ​ര​ത്തി​ൽ മ​ത്സ​ര​യോ​ട്ടം ന​ട​ത്തി​യ വാ​ഹ​നം ശ്ര​ദ്ധ​യി​ൽ​പെ​ട്ട​തി​ന് പി​ന്നാ​ലെ പോ​ലീ​സ് വാ​ഹ​നം പി​ന്തു​ട​ർ​ന്ന​പ്പോ​ഴാ​ണ് അ​പ​ക​ടം സം​ഭ​വി​ച്ച​തെ​ന്നാ​ണ് വി​വ​രം.

എ​ന്നാ​ൽ വാ​ഹ​നം അ​മി​ത​വേ​ഗ​ത്തി​ൽ പാ​ഞ്ഞ് ഡൗ​ൺ ടൗ​ണി​ന് അ​ടു​ത്തു​ള്ള വൈ​ബോ​ർ സി​റ്റി​യി​ലേ​ക്ക് പ്ര​വേ​ശി​ച്ച​പ്പോ​ൾ ത​ങ്ങ​ൾ പി​ന്മാ​റി​യി​രു​ന്നു​വെ​ന്നാ​ണ് ഹൈ​വേ പ​ട്രോ​ളിം​ഗ് പോ​ലീ​സ് പ​റ​യു​ന്ന​ത്. പി​ന്നീ​ട് ഹെ​ലി​കോ​പ്റ്റ​റി​ലാ​യി​രു​ന്നു പി​ന്തു​ട​ർ​ന്ന​ത്. ഇ​തി​നി​ടെ ഡ്രൈ​വ​ർ​ക്ക് കാ​റി​ന്‍റെ നി​യ​ന്ത്ര​ണം ന​ഷ്ട​പ്പെ​ടു​ക​യും വാ​ഹ​നം ബാ​റി​ലേ​ക്ക് ഇ​ടി​ച്ചു​ക​യ​റു​ക​യു​മാ​യി​രു​ന്നു. അ​പ​ക​ട​ത്തി​ൽ മൂ​ന്ന് പേ​ർ സം​ഭ​വ​സ്ഥ​ല​ത്ത് ത​ന്നെ മ​രി​ച്ചു. ഗു​രു​ത​ര​മാ​യി പ​രി​ക്കേ​റ്റ നാ​ലാ​മ​നെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

പ​രി​ക്കേ​റ്റ മ​റ്റ് 11 പേ​ർ ചി​കി​ത്സ​യി​ൽ ക​ഴി​യു​ക​യാ​ണ്. ഇ​വ​രി​ൽ ര​ണ്ട് പേ​രു​ടെ നി​ല ഗു​രു​ത​ര​മാ​ണ്. ഏ​ഴ് പേ​രു​ടെ നി​ല ഗു​രു​ത​ര​മ​ല്ലെ​ന്നും ര​ണ്ട് പേ​രെ ആ​ശു​പ​ത്രി​യി​ൽ നി​ന്ന് വി​ട്ട​യ​ച്ച​താ​യും പോ​ലീ​സ് പ​റ​യു​ന്നു. സം​ഭ​വ​ത്തി​ൽ കാ​ർ ഓ​ടി​ച്ചി​രു​ന്ന 22 കാ​ര​നാ​യ സി​ലാ​സ് സാം​സ​ൺ എ​ന്ന​യാ​ളെ പോ​ലീ​സ് ക​സ്റ്റ​ഡി​യി​ലെ​ടു​ത്തു. ഇ​യാ​ളെ ഹി​ൽ​സ്ബ​റോ കൗ​ണ്ടി ജ​യി​ലി​ലേ​ക്ക് മാ​റ്റി. പ്ര​തി​ക്കെ​തി​രെ നാ​ല് ഫ​സ്റ്റ് ഡി​ഗ്രി കു​റ്റ​ങ്ങ​ൾ ചു​മ​ത്തി​യെ​ന്ന് പോ​ലീ​സ് അ​റി​യി​ച്ചു.